स्थानिक गुन्हे शाखेच्या लक्षवेधी कामगिरीत रेकॉर्डवरील सराईत गुन्हेगार जेरबंद

सोलापूर – सोलापूर जिल्हा ग्रामीण भागातील मालासंबंधीचे गुन्हे उघड केस आणण्यासंबंधी तसेच अशा गुन्ह्यावर आळा घालून योग्य तो प्रतिबंध करण्यासंबंधी पोलीस अधीक्षक अतुल कुलकर्णी यांनी स्थानिक गुन्हे शाखेचे वरिष्ठ पोलीस निरीक्षक सुरेश निंबाळकर यांना आदेशीत केले होते. त्याप्रमाणे पोलीस निरीक्षक सुरेश निंबाळकर यांनी त्यांच्या अधिपत्याखालील अधिकारी व अंमलदार यांचे वेगवेगळी पथके तयार करून रेकॉर्डवरील सराईत गुन्हेगार अशोक उर्फ आशिकाऱ्या काळे (रा. गायकवाड वस्ती, मोहोळ) याच्या ताब्यातून १९,२८,५०० रूपयांचे सोन्याचे दागिने हस्तगत केले. रेकॉर्डवरील सराईत गुन्हेगाराच्या अटकेमुळे जिल्ह्यातील घरफोडीचे पंधरा गुन्हे उघडकीस आले.वरिष्ठ पोलीस निरीक्षक सुरेश निंबाळकर यांनी सूचना केल्याप्रमाणे सपोनि नागनाथ खुणे व त्यांचे पथक मोहोळ शहरात हजर असताना ग्रेड पोलीस उप निरीक्षक ख्वाजा मुजावर यांना मिळालेल्या गोपनीय माहितीतून मंगळवेढा पोलीस ठाण्यात नोंद असलेला (गु.र.नं. ४५२/२०२४ भा.द.वि. कलम ४५४,४५७,३८०) गुन्हा हा रेकॉर्डवरील गुन्हेगार अशोक उर्फ आशिकाऱ्या काळे याने त्याच्या अन्य साथीदारांसह मिळून केला असून तो सद्या मोहोळ येथे असल्याची खात्रीशीररित्या माहिली मिळाली. त्याप्रमाणे सपोनि नागनाथ खुणे यांनी पथकासह त्यास ताब्यात घेऊन त्याच्याकडे विचारपूस करता, त्याने त्याचे नाव अशोक उर्फ आशिकाऱ्या छपरू काळे (वय-३५ वर्षे, रा. भंडारकवठे ता. दक्षिण सोलापूर हल्ली रा. नाईकवाडी प्लॉट, मोहोळ) असे असल्याचे सांगितले.

त्यास मंगळवेढा पोलीस ठाण्याकडील सप्तश्रृंगीनगर येथील घरफोडी चोरीच्या गुन्ह्याच्या अनुषंगाने विचारपूस केली असता, त्याने उडवाउडवीचे उत्तरे दिली. त्यावरुन अधिक संशय आल्याने त्यास विश्वासात घेऊन विचारपूस करीत तपास करता, मागील सात ते आठ महिन्यापूर्वी इतर साथीदारासोबत मंगळवेढा शहरामध्ये रात्रीच्या वेळी घरफोडी केल्याचे त्याने सांगितले. हा आरोपी रेकॉर्डवरील सराईत गुन्हेगार असल्याने त्याच्याकडे इतर गुन्ह्याच्या अनुषंगाने तपास करता, मागील वर्षभरात साथीदारांसोबत मंगळवेढा शहरात, बठाण गावी, मंद्रुप, मोहोळ, टेंभुर्णी, अक्कलकोट, दोड्याळ, कोंडी, हिरज इत्यादी ठिकाणी घरफोड्या केल्याची कबुली दिली.त्याच्याकडे कसून तपास करता, या गुन्ह्यात चोरीस गेलेल्या मालापैकी एकूण २७५.५ ग्रॅम (सुमारे २८ तोळे) वजनाचे बाजारमुल्य भावाप्रमाणे १९,२८,५०० रूपयांचे सोन्याचे दागिने जप्त करण्यात आले. त्याचेकडून उघड करण्यात आलेले गुन्हे पुढील प्रमाणे.ही कामगिरी पोलीस अधीक्षक अतुल कुलकर्णी, अपर पोलीस अधीक्षक प्रितम यावलकर यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक सुरेश निंबाळकर यांचे नेतृत्वाखाली स्थानिक गुन्हे शाखेचे सहाय्यक पोलीस निरीक्षक नागनाथ खुणे, पोलीस उपनिरीक्षक सुरज निंबाळकर, श्रेणी पोलीस उपनिरीक्षक ख्वाजा मुजावर, राजेश गायकवाड, सहाय्यक फौजदार नारायण गोलेकर, पोलीस हवालदार धनाजी गाडे, मोहन मनसावाले, महिला पोलीस हवालदार मोहिनी भोगे, पोलीस कॉन्स्टेबल सागर ढोरे-पाटील, अक्षय डोंगरे, यश देवकते, योगेश जाधव, समर्थ गाजरे, चालक पोलीस नाईक समीर शेख यांनी पार पाडली.